Y rheolwr data yw’r unigolyn neu’r person cyfreithiol sy’n pennu’r dibenion y mae data personol yn cael ei brosesu ar ei gyfer.

Mae gwrthrych y data yn cyfeirio at unrhyw berson unigol y gellir ei adnabod, yn uniongyrchol neu’n anuniongyrchol, trwy ddynodwr megis enw, rhif adnabod, data lleoliad, neu drwy ffactorau sy’n benodol i hunaniaeth gorfforol, ffisiolegol, genetig, meddyliol, economaidd, diwylliannol neu gymdeithasol y person.

Wrth gymhwyso’r polisi hwn, bydd gan Chwarae Teg sylw dyledus i’r angen i hyrwyddo cydraddoldeb cyfleoedd a chanlyniadau teg, ac i ddarparu ar gyfer cysylltiadau da rhwng pobl o grwpiau amrywiol. Bydd pob cam rhesymol yn cael ei gymryd i sicrhau nad yw polisïau, arferion a diwylliant Chwarae Teg yn gwahaniaethu nac yn ynysu unigolion.

Fel sefydliad, byddwn bob amser yn cadw at y prif egwyddorion a nodir yn y rheolau a’r canllawiau Diogelu Data a’r prif egwyddorion yw: -

1. Cyfreithlonrwydd, tegwch a thryloywder: Byddwn yn ceisio sicrhau ein bod yn cyfathrebu ac yn dilyn y rheolau ar gyfer casglu data.
2. Cyfyngiad pwrpas: Byddwn yn ceisio casglu data personol yn unig ‘at ddiben penodol’, byddwn yn nodi’n glir beth yw’r pwrpas hwnnw, ac yn casglu data ‘dim ond cyhyd ag sy’n angenrheidiol’ i gwblhau’r pwrpas penodol hwnnw.
3. Lleihau data: Byddwn yn ceisio prosesu data personol yn unig sy’n ddigonol, yn berthnasol ac yn gyfyngedig i’r hyn ‘sydd ei angen arnom i gyflawni ei ddibenion prosesu’.
4. Cywirdeb: Byddwn yn ceisio sicrhau bod ‘pob cam rhesymol’ yn cael ei gymryd i ddileu neu unioni data sy’n anghywir neu’n anghyflawn.
5. Cyfyngiad storio: Byddwn yn ceisio dileu data personol pan ‘nad yw’n angenrheidiol mwyach’. Am fanylion, cyfeiriwch at Atodiad 2.
6. Cyfanrwydd a chyfrinachedd: Byddwn yn ceisio sicrhau bod data personol yn cael ei “brosesu mewn modd sy’n sicrhau diogelwch priodol i’r data personol, gan gynnwys amddiffyn rhag prosesu anawdurdodedig neu anghyfreithlon ac yn erbyn colled, dinistr neu ddifrod damweiniol, defnyddio mesurau technegol neu sefydliadol priodol”.

Bydd Chwarae Teg yn gofyn am ‘sail gyfreithlon’ wedi diffinio gan GDPR o’r rhestr ganlynol, er mwyn prosesu data:

• Mae’n angenrheidiol ar gyfer perfformiad cytundeb (e.e., cytundeb cyflogaeth, neu er mwyn cymryd camau ar gais y gwrthrych data cyn ymrwymo i gytundeb).
• Mae’n angenrheidiol er mwyn cydymffurfio â’n rhwymedigaethau cyfreithiol.
• Mae er budd hanfodol gwrthrych y data neu ryw berson arall (megis angen prosesu’r data personol i ddiogelu bywyd rhywun, ac maen nhw’n gallu darparu caniatâd)
• Mae er budd y cyhoedd (gallai hyn fod wrth arfer awdurdod swyddogol)
• Mae er budd cyfreithlon y sefydliad neu fuddiannau trydydd parti, lle nad yw buddiannau’r gwrthrych data neu hawliau sylfaenol a rhyddid yn diystyru ein buddiannau (gall hyn gynnwys arferion busnes cyffredin a gonest).

Yn y digwyddiad nad oes dim o’r seiliau cyfreithlon uchod yn berthnasol, bydd yn ofynnol i Chwarae Teg geisio cael caniatâd pendant y gwrthrych y data er mwyn prosesu eu data.

Caniatâd Gweithredol

Lle mae Chwarae Teg yn dibynnu ar ganiatâd fel sail gyfreithlon i brosesu data, byddwn yn gofyn i’r gwrthrych data roi datganiad cadarnhaol, mynd ati i optio i mewn neu ddarparu camau cadarnhaol clir. Rydym yn deall bod yn rhaid i ganiatâd gael ei ‘roi’n rhydd, yn benodol, yn wybodus ac yn ddiamwys’ ac nad yw blychau wedi’u ticio ymlaen llaw, anweithgarwch neu dawelwch yn gyfystyr â chaniatâd.

Bydd y cais am ganiatâd yn amlwg yn nodedig a bydd yn ymdrin yn benodol â phwrpas y prosesu a’r mathau o weithgaredd prosesu (lle bo hynny’n berthnasol, byddwn yn gofyn am gydsyniadau ar wahân ar gyfer gwahanol fathau o brosesu).

Rydym yn casglu gwybodaeth yn y ffyrdd canlynol:

Pan fyddwch chi’n ei roi i ni’n UNIONGYRCHOL

Efallai y byddwch yn rhoi eich gwybodaeth i ni er mwyn cofrestru ar gyfer un o’n:

• Digwyddiadau
• Rhaglenni
• Cylchlythyrau
• Rhwydweithiau
• Dibenion recriwtio a thra’ch bod yn cael eich cyflogi
• Cyfrannu at ddatblygiad polisi ac ymchwil
• Codi arian i ni
• Cyflenwr neu gwsmer
• Neu am fwy o wybodaeth am ein gwaith

Rydym yn gyfrifol am eich data bob amser.

Pan fyddwch chi’n ei roi i ni YN ANUNIONGYRCHOL

Gall eich gwybodaeth gael ei rhannu â ni gan drefnwyr digwyddiadau annibynnol, er enghraifft digwyddiadau rhwydweithio, lleoliadau partner neu safleoedd codi arian. Dim ond os ydych chi wedi nodi eich bod chi’n hapus iddyn nhw wneud hynny y bydd y trydydd parti annibynnol hyn yn gwneud hyn. Dylech wirio eu polisi preifatrwydd pan fyddwch yn darparu eich gwybodaeth er mwyn deall yn iawn sut y byddant yn prosesu eich data.

Pan fyddwch chi’n rhoi caniatâd i SEFYDLIADAU ERAILL ei rannu

Efallai eich bod wedi rhoi caniatâd i gwmni neu sefydliad arall rannu eich data â thrydydd partïon, gan gynnwys elusennau. Gallai hyn fod pan fyddwch chi’n prynu cynnyrch neu wasanaeth, cofrestru ar gyfer cystadleuaeth ar-lein neu gofrestru gyda safle cymharu.

Yn dibynnu ar eich gosodiadau neu’ch polisïau preifatrwydd ar gyfer cyfryngau cymdeithasol a gwasanaethau negeseuon fel Facebook, WhatsApp neu Twitter, efallai y byddwch yn rhoi caniatâd i ni gael gwybodaeth o’r cyfrifon neu’r gwasanaethau hynny.

Gall yr wybodaeth a gawn gan sefydliadau eraill ddibynnu ar eich gosodiadau preifatrwydd neu’r ymatebion rydych chi’n eu rhoi, felly dylech eu gwirio’n rheolaidd.

Gall hyn gynnwys gwybodaeth a geir mewn llefydd fel Tŷ’r Cwmnïau a gwybodaeth sydd wedi ei gyhoeddi yn erthyglau/papurau newydd.

Efallai y byddwn yn cyfuno gwybodaeth a ddarperir i ni gyda gwybodaeth sydd ar gael o ffynonellau allanol er mwyn cael gwell dealltwriaeth o’n cefnogwyr i wella ein cyfathrebu, ein cynhyrchion a’n gwasanaethau.

Pan fyddwn yn ei gasglu wrth i chi ddefnyddio ein gwefannau neu APIAU

Fel y rhan fwyaf o wefannau, rydym yn defnyddio “cwcis” i’n helpu i wneud ein safle, a’r ffordd rydych chi’n ei ddefnyddio, yn well. Cwcis yn golygu y bydd gwefan yn eich cofio. Maen nhw’n ffeiliau testun bach y mae safleoedd yn eu trosglwyddo i’ch cyfrifiadur (neu ffôn neu dabled). Maen nhw’n gwneud rhyngweithio â gwefan yn gyflymach ac yn haws - er enghraifft drwy lenwi eich enw a’ch cyfeiriad yn awtomatig mewn meysydd testun.

Yn ogystal â hyn, gall cwcis roi gwybod i ni y math o ddyfais rydych chi’n ei defnyddio i gael mynediad i’n gwefan neu apiau a gall y gosodiadau ar y ddyfais honno roi gwybodaeth i ni gan gynnwys pa fath o ddyfais ydyw, pa system weithredu rydych chi’n ei defnyddio, beth yw gosodiadau eich dyfais, a pham mae damwain wedi digwydd. Mae’r wybodaeth hon yn ein helpu i ddeall sut mae pobl yn defnyddio ein gwefan a sut i’w wneud yn well.

Bydd gan eich gwneuthurwr dyfeisiau neu ddarparwr y system weithredu fwy o fanylion am ba wybodaeth y mae eich dyfais yn ei darparu i ni.

Mae math a maint y wybodaeth rydym yn ei chasglu yn dibynnu ar y rheswm rydych yn ei ddarparu.

Er enghraifft, os ydych yn gwneud cais i raglen, yn cofrestru i ddigwyddiad, yn gwirfoddoli neu’n cymryd rhan mewn prosiect, fel arfer rydym yn casglu’r canlynol:

• Eich enw
• Eich manylion cyswllt
• Eich dyddiad geni
• Gwybodaeth bersonol arall sy’n berthnasol i’r rhaglen rydych yn cymryd rhan ynddi
• Gwybodaeth bersonol arall sy’n berthnasol i’r gweithgaredd rydych chi’n cymryd rhan ynddo
• Data categori arbennig eraill lle a phryd y bo’n briodol

Pan fo’n briodol, gallwn ofyn am y canlynol hefyd:

• Gwybodaeth am eich iechyd
• Gwybodaeth am y gwasanaethau rydych am eu defnyddio
• Sut cawsoch wybod amdanom ni
• Caniatâd rhieni os ydych dan 16 oed
• Gwiriadau diogelwch
• Gwiriadau cymhwysedd i weithio

Yr unig amser y byddwn yn gofyn am wybodaeth yw pan fydd ei hangen i ddarparu gwasanaeth, y wybodaeth neu’r gwasanaeth gweinyddol yr ydych wedi gwneud cais amdano.

Os a phryd y byddwn yn casglu a rheoli gwybodaeth gan blant, ein nod yw ei rheoli mewn ffordd sy’n briodol i oedran y plentyn.

Os yw plentyn dan 16 oed byddwn yn gofyn am ganiatâd gan riant neu warcheidwad cyn casglu ei wybodaeth. Ar gyfer ein digwyddiadau, mae gennym reolau penodol ynghylch a yw plant yn gallu cymryd rhan, a byddwn yn sicrhau bod yr hysbysebu ar gyfer y digwyddiadau hynny’n briodol i’r oedran.

Mae’r hyn rydym yn defnyddio eich gwybodaeth ar ei gyfer yn dibynnu ar pam rydych chi’n ei darparu. Byddwn yn defnyddio’ch data’n bennaf at y dibenion canlynol:

Darparu’r gwasanaethau, y cynhyrchion neu’r wybodaeth yr ydych wedi gwneud cais amdanynt

Rydym yn cynnal gwasanaethau amrywiol ar gyfer unigolion a busnesau. Bydd y gwasanaeth rydych yn ceisio cael mynediad iddo yn dibynnu ar yr hyn sy’n gweddu orau i’ch amgylchiadau chi a gellid ei ddarparu fel rhan o brosiect neu ar sail fasnachol.

Bydd mynediad i’r data hwn wedi’i gyfyngu bob amser i unigolion priodol sydd â buddiant cyfreithiol mewn darparu’r gwasanaethau hyn.

Rydym hefyd yn casglu data er mwyn i chi gymryd rhan mewn digwyddiad neu raglen, mewn perthynas â pholisi ac ymchwil, hyfforddiant a datblygu, ein prosiectau, gwirfoddoli, codi arian a gweithio gyda ni.

Os ydych yn mewngofnodi eich manylion ar un o’n ffurflenni ar-lein, ac nad ydych yn pwyso ‘anfon’ neu ‘cyflwyno’, gallwn gysylltu â chi i weld a allwn eich helpu gydag unrhyw broblemau sydd gennych o bosibl gyda’r ffurflen neu gyda’n gwefannau.

I wybod beth yw’r ffordd orau o gysylltu â chi.

Rydym yn cofnodi dewisiadau cyfathrebu er mwyn sicrhau ein bod yn cysylltu â chi yn y ffyrdd yr hoffech glywed gennym yn unig.

I gyflawni’n rhwymedigaethau fel cyflogwr

Rydym yn sicrhau bod y data a gesglir yn ystod ein proses recriwtio yn gyfreithlon ac at ddiben penodol cyflawni naill ai ein rhwymedigaethau cyfreithiol (e.e., cymhwysedd i weithio yn gwiriadau’r DU) neu i sicrhau dull teg a thryloyw o recriwtio a chysylltu ag ymgeiswyr.

Ar gyfer Gweithwyr byddwn yn casglu data ystod at ddibenion cyfreithlon, sy’n gysylltiedig â gwybodaeth sy’n ofynnol tra’n gweithio. Os byddwch yn manteisio ar fuddion y gweithwyr, rydym yn cynnig yna byddwn yn rhannu data personol penodol gyda darparwr buddion o’r fath.

I anfon Marchnata Uniongyrchol atoch

Yr unig adeg y byddwn yn cysylltu â chi gyda marchnata uniongyrchol am ein gwaith, ein gweithgareddau a’n hymgyrchoedd yw gyda’ch caniatâd penodol chi. Rydym yn ei gwneud yn hawdd i chi ddweud wrthym sut rydych am i ni gyfathrebu â chi, a’r hyn sydd o ddiddordeb i chi. Rydym yn cynnwys gwybodaeth hefyd am y ffordd o optio allan pan fyddwn yn anfon gwybodaeth farchnata atoch.

Nid ydym yn gwerthu nac yn rhannu manylion personol i drydydd parti at ddibenion marchnata. Ond o dro i dro, gallwn gynnwys gwybodaeth yn ein cyfathrebiadau gan sefydliadau partner neu sefydliadau sy’n ein cefnogi.

Os ydych yn newid eich meddwl ar unrhyw adeg, a ddim am glywed rhagor gennym, mae hynny’n iawn. Rhowch wybod i ni pan fyddwch yn darparu eich data gan e-bostio [email protected]

I gadw cofnod o’ch cysylltiad â ni

Mae’n bwysig i ni fod gennym gofnodion clir am y ffordd rydych wedi’n cefnogi neu wedi cael cefnogaeth gennym yn y gorffennol. Mae hyn yn ein helpu i sicrhau bod eich profiadau gyda Chwarae Teg y gorau y gallant fod.

Efallai y byddwn yn casglu a chadw eich gwybodaeth os ydych yn anfon adborth am ein gwasanaethau, yn ein canmol neu’n gwneud cwyn.

Deall sut gallwn wella ein gwasanaethau, ein cynhyrchion neu’n gwybodaeth.

Credwn ei bod yn bwysig sicrhau bod ein holl wasanaethau y gorau y gallant fod. Dyna pam rydym yn eu gwerthuso.

Efallai y byddwn yn cysylltu ar ôl i chi fod ar ein rhaglenni, neu gymryd rhan yn unrhyw un o’n hymgyrchoedd codi arian, efallai y byddwn yn cysylltu â’ch holi am eich profiadau gyda phob agwedd ar Chwarae Teg a gwaith ei is-gwmni masnachu. Does dim rheidrwydd i gymryd rhan, ond mae wir yn helpu i dynnu sylw at ffyrdd y gallwn ni wneud pethau’n well yn y dyfodol.

Rydym yn defnyddio technegau proffilio a sgrinio i sicrhau bod cyfathrebiadau’n berthnasol ac amserol, ac er mwyn rhoi gwell profiad. Mae proffilio yn ein galluogi i dargedu ein hadnoddau’n effeithiol hefyd.

Wrth adeiladu proffil gallwn ddadansoddi gwybodaeth ddaearyddol, demograffeg a mathau eraill o wybodaeth sy’n berthnasol i chi er mwyn deall yn well eich diddordebau a’ch dewisiadau er mwyn cysylltu â chi gyda’r cyfathrebiadau mwyaf perthnasol.

Wrth wneud hyn, gallwn ddefnyddio gwybodaeth ychwanegol o ffynonellau trydydd parti pan fydd ar gael. Mae gwybodaeth o’r fath yn cael ei chrynhoi gan ddefnyddio’r data cyhoeddus sydd ar gael arnoch chi, er enghraifft, cyfeiriadau, swyddi cyfarwyddwyr a restrir neu enillion arferol yn eich maes penodol.

Rydym yn gwneud hyn oherwydd mae’n ein galluogi i ddeall cefndir y bobl rydym yn cydweithio â nhw.

Nid ydym yn gwerthu nac yn rhannu manylion personol i unrhyw drydydd parti at ddibenion marchnata. Yr unig adeg y byddwn yn rhannu eich manylion â sefydliadau trydydd parti fydd pan fo angen gwneud hynny;

Darparu gwasanaethau yr ydych wedi gofyn amdanynt

• Byddwn yn sicrhau eich bod yn hapus i ni wneud hyn cyn i unrhyw beth ddigwydd a byddwn yn esbonio pwy ydym yn rhannu’r data ag e.e., yr Adran Gwaith a Phensiynau, eich cyngor lleol ac ati.

• Gweinyddu eich cyfranogiad mewn digwyddiad
• Cydymffurfio â rheoliadau Iechyd a Diogelwch
• Fel un o weithwyr Chwarae Teg efallai y bydd gofyn iddynt rannu’r data personol priodol gyda’r sefydliadau perthnasol yn unol â’r trefniant cyllido a chymorth TG.

Os bydd angen i ni rannu data at y dibenion hyn erioed, byddwn bob amser yn cymryd y gofal eithaf, gwnewch yn siŵr mai dim ond data hanfodol sy’n cael ei drosglwyddo, a’i fod wedi’i wneud mor ddiogel ac yn ddiogel.

Amgylchiadau eithriadol

Efallai y bydd gofyn i Chwarae Teg rannu eich manylion mewn amgylchiadau eithriadol hefyd. Er enghraifft, lle mae’n ofynnol yn gyfreithiol gan yr heddlu, cyrff rheoleiddio neu gynghorwyr cyfreithiol.

Dim ond os oes gennym eich caniatâd penodol a gwybodus y byddwn erioed yn rhannu eich data mewn amgylchiadau eraill.

Rydym yn sicrhau bod yna fesurau a rheolaethau priodol ar waith i ddiogelu eich manylion personol. Er enghraifft, mae ein ffurflenni ar-lein wedi’u hamgryptio bob amser ac mae ein rhwydwaith yn cael ei fonitro fel mater o drefn. Rydym yn cynnal adolygiadau rheolaidd o’r unigolion sydd â mynediad at wybodaeth sydd gennym, er mwyn sicrhau mai dim ond staff sydd wedi’u hyfforddi’n briodol, gwirfoddolwyr a phartneriaid sydd â mynediad at eich gwybodaeth.

Cyn y byddwn yn defnyddio unrhyw gwmnïau allanol i gasglu neu brosesu data personol ar ein rhan, byddwn yn cynnal gwiriadau cynhwysfawr. Byddwn bob amser yn rhoi contract ar waith sy’n nodi ein disgwyliadau a’n gofynion, yn enwedig y ffordd y maen nhw’n rheoli’r data personol y maen nhw’n ei gasglu neu y mae ganddynt fynediad ato.

Nid yw cyflenwyr sy’n cynnal eu gweithrediadau y tu allan i’r Ardal Economaidd Ewropeaidd (AEE) yn ddarostyngedig i’r un cyfreithiau diogelu data â chwmnïau sydd yn y DU. Fodd bynnag, os byddwn yn defnyddio cyflenwyr y tu allan i’r AEE ar unrhyw adeg, byddwn yn sicrhau eu bod yn darparu lefel digonol o ddiogelwch yn unol â chyfreithiau diogelu data y DU.

Efallai y byddwn angen datgelu eich manylion os oes angen i’r heddlu, cyrff rheoleiddio neu gynghorwyr cyfreithiol.

Yr unig adeg y byddwn yn rhannu eich data dan amgylchiadau eraill fydd os byddwn wedi cael cydsyniad penodol a gwybodus gennych chi.

Rydym yn ceisio cadw ein cofnodion yn gyfredol er mwyn sicrhau ein bod yn anfon y wybodaeth fwyaf berthnasol atoch gan ddefnyddio’r manylion cyswllt cywir.

Os yw eich manylion personol yn newid, byddem yn gwerthfawrogi petaech yn rhoi gwybod i ni.

Lle y bo’n bosibl, rydym yn defnyddio ffynonellau sydd ar gael i’r cyhoedd i sicrhau bod eich cofnodion yn gyfredol; er enghraifft, cronfa ddata Ryngwladol Swyddfa’r Post ar gyfer Newid Cyfeiriad a gwybodaeth y mae sefydliadau a ddisgrifir uchod.

Mae gan staff cyflogedig fynediad at systemau lle gallant ddiweddaru eu gwybodaeth bersonol.

Hawliau Pwnc Data

Mae gan bynciau data nifer o hawliau. Gall pynciau data:

• Cael mynediad at a chael copi o’u data ar gais
• Ei gwneud yn ofynnol i Chwarae Teg newid data anghywir neu anghyflawn
• Ei gwneud yn ofynnol bod Chwarae Teg yn dileu neu’n rhoi’r gorau i brosesu eu data, er enghraifft pan nad yw’r data’n angenrheidiol bellach at ddibenion prosesu; a
• Gwrthwynebu prosesu eu data lle mae Chwarae Teg yn dibynnu ar ei buddiannau cyfreithlon fel y tir cyfreithiol i’w brosesu
• Tynnu caniatâd yn ôl ar unrhyw adeg, lle mae prosesu yn seiliedig ar eu caniatâd. (Gellir tynnu caniatâd yn ôl ar unrhyw adeg. Bydd Chwarae Teg yn ceisio sicrhau bod y broses hon yn hawdd a phan nad oes unrhyw sail arall dros brosesu yn berthnasol, megis Chwarae Teg yn cydymffurfio â’n rhwymedigaethau cyfreithiol neu gytundebol, byddwn yn dileu’r data yn unol â hynny)
  Gwnewch gais am yr hawl i gael ei anghofio a bydd Chwarae Teg yn diwygio cofnodion yn unol â hynny

Mae gan bynciau data’r ‘hawl i gael eu hanghofio’ o dan y fframwaith cyfreithiol, sy’n golygu y gall Chwarae Teg naill ai ddinistrio neu gysylltu â’n trydydd parti, sy’n dal data, i wneud cais iddynt ddinistrio data o’r fath yn gyfrinachol. Lle bynnag y bo modd, byddwn yn ymdrechu i gydymffurfio â chais o’r fath.

Fodd bynnag, lle na all Chwarae Teg ddileu data oherwydd bod ganddo sail gyfreithlon dros gadw’r data hwnnw, neu gydymffurfio â’n rhwymedigaethau cytundebol ac adrodd, gellir gwneud cais pellach i Chwarae Teg gyfyngu ar ein prosesu data o’r fath yn lle hynny. Yn yr un modd, bydd cyfyngu ar brosesu’n amodol ar gydymffurfiaeth Chwarae Teg â’n rhwymedigaethau cyfreithiol, cytundebol ac adrodd a bydd Chwarae Teg yn ystyried unrhyw ofynion parhaus i brosesu’r data hwnnw cyn gweithredu.

Efallai y bydd angen i’r sefydliad roi ystyriaeth bellach i gais lle mae’r cais o bosib yn ddi-sail, yn ormodol neu’n ailadroddus. Ym mhob digwyddiad lle gwrthodir cais, neu gofynnir am ffi oherwydd yr amgylchiadau, bydd Chwarae Teg yn ymateb i gais y gwrthrych y data gydag esboniad llawn, i gynnwys y sail gyfreithlon sy’n sail i’n penderfyniadau, yn unol â hynny.

Os ydych yn dymuno tynnu caniatâd yn ôl i brosesu neu wneud cais i’w anghofio, cysylltwch â ni ar e-bost: [email protected].

Mae gennych hawl i ofyn am gopi o’r wybodaeth sydd gennym amdanoch. Os oes unrhyw anghysondebau yn yr wybodaeth a ddarparwn, rhowch wybod i ni a byddwn yn eu cywiro. Os ydych chi eisiau manteisio ar eich gwybodaeth, anfonwch ddisgrifiad o’r wybodaeth yr ydych am ei gweld a’i brawf o’ch hunaniaeth drwy’r post at y Rheolwr Data, Chwarae Teg 2il Lawr, Anchor Court, Keen Road, CF24 5JW. Nid ydym yn derbyn y ceisiadau hyn drwy e-bost. Mae hyn er mwyn i ni allu gwneud yn siŵr ein bod ni ond yn darparu data personol i’r person iawn. Os oes gennych unrhyw gwestiynau, anfonwch y rhain at [email protected], neu drwy’r post at: Y Rheolwr Data, Chwarae Teg, 2ndFloor, Anchor Court, Keen Road, CF24 5JW.

Bydd unrhyw bryderon a godir yn cael eu hystyried cyn gynted ag y bo’n rhesymol bosibl a bydd ymatebion ysgrifenedig yn cael eu darparu o fewn amserlen resymol, ynghyd â manylion am unrhyw gamau cywiro os oes angen. Am ragor o wybodaeth gweler canllawiau’r Comisiynydd Gwybodaeth yma:https://ico.org.uk/your-data-matters/

Byddwn yn cadw eich data yn ddiogel

Mae eich data i gyd yn cael ei storio’n electronig a’i gefnogi yn unol â “Cyber Essentials”

Fe’i cedwir yn unol â gofynion rheoleiddio a chyfreithiol

Fe’i cedwir yn unol â gofynion grant a chyllidwyr prosiect

Rydym yn adolygu’r polisi hwn yn flynyddol a gallwn ei ddiweddaru o bryd i’w gilydd. Os byddwn yn gwneud unrhyw newidiadau sylweddol yn y ffordd, rydym yn trin eich gwybodaeth bersonol byddwn yn gwneud hyn yn glir ar ein gwefan neu drwy gysylltu â chi’n uniongyrchol.