Mentergarwch

Mae Chwarae Teg wedi ymrwymo i annog menywod i ystyried dechrau eu busnes eu hunain drwy Fenter Menywod Cymru a Menter Rhieni Sengl sy’n rhan o’r prosiect Potentia. Caiff y mentrau hyn eu cyllido ar y cyd gan Awdurdod Datblygu Cymru a chronfeydd strwythurol Ewrop, ac maent yn rhan annatod o'r Cynllun Gweithredu Menter ar gyfer Cymru. Maent yn darparu cefnogaeth ac arweiniad drwy weithdai, sesiynau cwnsela a chyfleoedd rhwydweithio o Fôn i Fynwy.

Yn sail i'r ymrwymiad hwn i fenywod mewn menter, mae Chwarae Teg hefyd yn cadeirio ac yn rheoli Gweithgor Menter Merched Cymru Gyfan. Wedi’i sefydlu ym 1995, mae’r Gweithgor yn cynnwys cynrychiolwyr o asiantaethau a mudiadau amrywiol ledled Cymru sy’n ymwneud â darparu gwasanaethau i gefnogi dechrau busnesau a datblygu busnesau a dyma’r ysbrydoliaeth y tu ôl i brosiect Menter Menywod Cymru. Nod cyffredinol y Gweithgor a gafodd ei ail-lansio ym mis Tachwedd 2002, yw lledaenu a chyfnewid arfer da ym maes menter menywod, codi proffil menywod sy’n mentro a hybu a hyrwyddo datblygiad gweithgareddau menter ar gyfer menywod.

Cysylltwch â Gweinyddydd Prosiect Menter, Chwarae Teg, 02920 478926, [email protected] i gael rhagor o fanylion.

Linciau Defnyddiol

Prowess

Amdanom ni | Prif themau | Newyddion a digwyddiadau | Ymchwil | Aelodaeth | Swyddfeydd | Cysylltwch â ni | Map y wefan | Swyddi

Hafan | English