Fel Partner Cydweithredu, mae Emma yn gweithio’n agos gyda busnesau ledled Cymru i sicrhau bod menywod yn llwyddiannus ar draws yr holl sectorau a'r lefelau yn yr economi drwy ein rhwydwaith Hive, gan hyrwyddo buddiannau arferion gwaith modern a'n hymgyrch 'Nid dim ond ar gyfer Bechgyn’, gan fynychu ffeiriau gyrfaoedd anrhaddodiadol ar gyfer merched a menywod, gan arddangos y gyrfaoedd blaengar sy'n rhoi boddhad gyda diwydiannau STEM.

Mae Emma yn teimlo'n angerddol am wella pa mor weledol mae menywod a sut maent yn cael eu cynrychioli yn ein heconomi a'n cymdeithas ac yn arwain ar brosiect Placiau Porffor a grëwyd i ddathlu cyflawniadau menywod rhagorol a sicrhau bod eu hanes yn cael ei osod yn gadarn yn llyfrau hanes Cymru. Mae hi hefyd yn rheoli ein rhaglen 'Step to Non Exec' a grëwyd i annog mwy o fenywod ifanc i gymryd y cam cyntaf i mewn i fywyd cyhoeddus a'n rhaglen LeadHership, gan ddarparu cyfleoedd cysgodi i fenywod ledled y sector Cyhoeddus a'r sector Preifat.

Ar ôl ennill cymhwyster Doethuriaeth o Brifysgol Caerdydd yn yr Ysgol Daearyddiaeth a Chynllunio 2015, ymunodd Hade â Chwarae Teg fel partner ymchwil. Partner Ymchwil yw Hade, ac mae’n cyflwyno a rheoli gwaith ymchwil i gydraddoldeb rhywiol ac amrywiaeth, ac i wella cyfranogiad menywod yn economi Cymru a bywyd cyhoeddus gan ganolbwyntio ar bolisïau. Mae’n chwilio am gyfleoedd newydd hefyd i ymchwilio i’r prif faterion y mae menywod yng Nghymru yn eu hwynebu heddiw. Mae Hade wedi rheoli a chynnal sawl prosiect ymchwil gan gynnwys Dirnad Arferion Gweithio Modern yn Amgylchedd Busnes Cymru, Canfyddiad Dynion o Gydraddoldeb Rhywiol, Gwaith Boddhaol i Fenywod a Disglair: Dyheadau Gyrfa Menywod Ifanc. Ar hyn o bryd, mae’n gweithio ar brosiect ymchwil sef Rhwystrau i Fenywod Du ac Asiaidd ac o Leiafrifoedd Ethnig mewn (Hunan) Cyflogaeth yng Nghymru.