Drwy eu Rhaglen Fusnes, mae cymorth ac arweiniad Chwarae Teg wedi ein galluogi ni i ymgymryd yn llwyr ag arferion gweithio’n ystwyth. Mae hynny yn sicr wedi ein helpu ni i wynebu’r pandemig anarferol hwn mewn ffordd effeithiol a chadw’r busnes i redeg yn ddi-dor.

"Mae hwn yn gyfnod anodd dros ben i nifer o fusnesau ond weithiau mae hyd yn oed newidiadau bychain yn gallu gwneud gwahaniaeth mawr. Y gwir amdani yw bod Chwarae Teg yn darparu cymorth wedi’i ariannu sy’n gallu arwain at ganlyniadau gwirioneddol – felly mae’n werth ei ystyried.

Ni ellir pwysleisio manteision gweithio’n ystwyth ddigon. Yn ystod y cyfnod clo hwn mae gweithio’n ystwyth wedi galluogi busnesau i barhau ac felly wedi atal pobl rhag colli eu swyddi.”

“Mae ein rhaglen fusnes yn cynnig arweiniad a chyngor helaeth sydd wedi eu teilwra ar gyfer sefydliadau unigol. Ac, am eu bod wedi eu hariannu’n llawn, does dim byd i’w golli a chymaint i’w ennill.