Mae Amanda yn gweithio o fewn y Tîm Busnes, gan gyflenwi rhaglenni pwrpasol ar gyfer mentrau bach a chanolig yng Nghymru. Trwy ei chyngor, hyfforddiant a dull hyfforddi, mae'n cefnogi arweinwyr busnes i adolygu eu polisïau a'u gweithdrefnau a sicrhau bod newid diwylliannol, cadarnhaol yn digwydd.

Mae Amanda yn weithiwr rheoli, adnoddau dynol strategol, hyfforddiant a chydraddoldeb proffesiynol sy’n huawdl ac yn hawdd mynd ati, sydd wedi gweithio'n helaeth gyda chleientiaid o fewn y sectorau preifat a chyhoeddus ledled y DU. Mae ganddi fwy nag ugain mlynedd o brofiad o gefnogi arweinwyr a rheolwyr i wella'r busnes ac effeithiolrwydd personol, gan ymgysylltu’n llawn â’u gweithlu, i gyflawni eu nodau strategol.

Mae ganddi wybodaeth a dealltwriaeth fanwl o ddatblygu sefydliadol trwy arwain a rheoli pobl yn effeithiol. Bu'n gweithio am 20 mlynedd fel Asesydd a Chynghorydd ar gyfer y Wobr Buddsoddwyr mewn Pobl.

Mae Bob yn weithiwr adnoddau dynol proffesiynol profiadol a chymwys sydd â hanes profedig o gyflawni wrth alinio polisïau, arferion a phrosesau adnoddau dynol ag amcanion busnes yn y DU ac UDA. Mae wedi cynnal ei fusnes ei hun gyda 30 aelod o staff, ac fel Ymarferydd IIP, ac mae wedi gweithio gyda mwy na 200 o fusnesau bach a chanolig yng Nghymru gan addasu i nifer o arddulliau rheoli amrywiol. Mae Bob yn mwynhau gwneud gwahaniaeth cadarnhaol i berfformiad sefydliadau, ac fel Partner Cyflogwyr, mae wedi gwella effeithiolrwydd ym maes rheoli pobl trwy welliannau mewn amrywiaeth ar sail rhyw, recriwtio, cyfathrebu, gweithio hyblyg, dysgu a datblygu, rheoli perfformiad, a chyfraith cyflogaeth.

Mae Michelle yn weithiwr cyffredinol yn yr adran adnoddau dynol ac mae'n meddu ar graffter busnes cryf a chefndir cadarn o weithio gyda’r busnes ar bob lefel mewn amrywiaeth o sectorau gwahanol. Mae'n darparu gwasanaeth adnoddau dynol a yrrir yn fasnachol, gan gynorthwyo i ddarparu mentrau a strategaethau adnoddau dynol. Mae'n datblygu datrysiadau creadigol sy'n cyfrannu mewn modd positif at y sefydliad. Mae'n chwarae rôl allweddol wrth ddarparu cyflenwad llawn o brosesau adnoddau dynol i fusnesau lwyddo gyda'u gwaith o reoli pobl. Mae Michelle yn angerddol dros gyflwyno'r neges o hyrwyddo cydraddoldeb, amrywiaeth a chynhwysiant. Mae'n rhoi cymorth cadarnhaol a chreadigol i gwmnïau er mwyn helpu i weithredu arfer gorau mewn busnesau ledled Cymru.

Laura yw un o’r ddau Gydgysylltydd ar gyfer Rhaglen Fusnes Cenedl Hyblyg 2, ac mae wedi gweithio i Chwarae Teg ers 9 mlynedd. Mae’n helpu’r Tîm Cyflawni a’r Swyddog Arweiniol er mwyn sicrhau y cynhelir y Rhaglen yn ddi-dor. Mae’n cynorthwyo gyda siwrne’r cleient drwy ein Systemau Rheoli Cleientiaid ac mae’n sicrhau ein bod, fel tîm, yn cydymffurfio ac yn gallu parhau i ddarparu gwasanaeth da i’r cleient a gwerth am arian i Swyddfa Cyllid Ewropeaidd Cymru a Llywodraeth Cymru.

Ymunodd Laura â Chwarae Teg yn 2019 fel gweinyddwr ar gyfer Rhaglen y Menywod a nawr, fel un o’r Partneriaid Cydlynu ar gyfer y Rhaglen Fusnes, rôl Laura yw cynorthwyo’r gwaith o ddarparu’r Rhaglen Fusnes. Mae Laura yn mwynhau gweld a chlywed am yr effaith y mae'r prosiect wedi'i gael ar y cyfranogwyr sy'n cymryd rhan, ac mae Laura'n falch o fod yn rhan o dîm sy'n sicrhau canlyniadau mor bositif ar gyfer menywod ledled Cymru.

Mae Carys yn arbenigo mewn cyflogadwyedd ac adnoddau dynol. Bu'n gyfreithwraig cyflogadwyedd yn rhoi cyngor i unigolion a busnesau ynglŷn â holl agweddau ar gyfraith cyflogadwyedd a materion adnoddau dynol gan gynnwys diswyddo annheg, dileu swyddi ac ailstrwythuro, contractau ar lefel uwch a chydraddoldeb a gwahaniaethu. Mae sgiliau a phrofiad Carys yn cynnwys cymryd rhan mewn achosion tribiwnlys ac achosion sifil y llys, a pharatoi a chreu dogfennau cyfreithiol. Mae Carys yn adnabyddus am ei ffordd gyfeillgar a'i chyngor pragmatig er mwyn cyflawni’r canlyniad gorau posibl i'w chleientiaid.

Mae Carys yn teimlo'n angerddol ynglŷn â chydraddoldeb ac amrywiaeth yn y gweithlu ac mae hi'n anelu at wella arferion gwaith ledled Cymru yn ei rôl fel Partner Cleient.

Mae cefndir Ameena mewn uwch rolau gweithredol gan gynnwys fel Prif Swyddog Gweithredol busnesau bach a chanolig nid-er-elw. Mae hi wedi gweithio ar draws y sectorau preifat, cyhoeddus ac elusennol ac wedi arwain ar raglenni amrywiol ar lefelau Cenedlaethol, Rhanbarthol a Lleol. Yn fwyaf diweddar bu’n gweithio mewn rolau fel Hyfforddi Gweithredol a mentora Busnes i Fenywod Busnes. Wrth galon ei holl gyflawniadau mae ei hawydd angerddol i greu amgylcheddau sy’n galluogi pobl i ddatblygu i’w llawn botensial, ac i arwain sefydliadau sy’n cyfuno pwrpas ac elw er mwyn gwneud gwahaniaeth a gwella bywydau pobl mewn cymdeithas.

Mae Lauren yn weithiwr proffesiynol medrus ym maes AD, datblygu gyrfa a hyfforddi gyda phrofiad ar draws y sector cyhoeddus a phreifat. Mae sgiliau Lauren yn cynnwys dylunio a gweithredu polisi, cyflawni ar strategaethau heriol a darparu cyngor ac arweiniad arfer gorau rhagorol a chyfoes ym maes Cyfraith Cyflogaeth ac AD. Gan fod Lauren wedi gweithio gyda phortffolio amrywiol o ddiwydiannau mae’n gallu addasu a theilwra ei harddull er mwyn dylunio a datblygu strategaethau Cydraddoldeb, Amrywiaeth a Chynhwysiant effeithiol. Mae Lauren yn angerddol am waith Chwarae Teg gan gefnogi cynhwysiant yn y gweithle.