Symudais i’r trydydd sector dros ddeng mlynedd yn ôl, ar ôl gwneud sawl rôl Rheolwr Adnoddau Dynol. Cefais flas a bodlonrwydd mawr yn darparu mynediad i hyfforddiant proffesiynol i bobl heb brofiad o hynny.

Mae’n fraint gweithio gyda chymaint o fenywod – pob un o gefndiroedd amrywiol ond sy’n gobeithio datblygu’n bersonol, boed o ran sgiliau neu fagu hyder. Rwy’n gwybod pa mor lwcus ydw i, i gael teithio gyda’r menywod hyn, beth bynnag fo’u taith, a’u gweld yn ffynnu mewn hyder a sgiliau, defnyddio’r doniau nad oeddent yn sylweddoli oedd ganddynt a gwneud eu gorau glas – mae’n ddiguro!

Gyda thros 25 mlynedd o brofiad mewn addysg, rwy’n credu’n gryf yn y syniad o ddysgu gydol oes. Boed yn gymwysterau ffurfiol neu’n dysgu i fagu hyder a hunanymwybyddiaeth, mae’n rhywbeth rwy’n mwynhau ei rannu er mwyn helpu pobl i deimlo’n fwy grymus.

Arweinyddiaeth, gwaith tîm a seicoleg - dyna’r prif feysydd o ddiddordeb i mi. Gydag arbenigedd mewn ffitrwydd a gweithgareddau awyr agored hefyd, credaf fod iechyd a llesiant yn rhan o ddod yn fwy hunanymwybodol, ac yn gallu helpu i fagu hyder mewn sawl ffordd.

Rwy’n mwynhau cyflwyno ein modiwlau dysgu ac mae’n wych cwrdd â’r holl gyfranwyr a dysgu am eu gwaith a’u profiadau; yn enwedig eu helpu i wireddu eu potensial.

Bues i’n gweithio am 25 mlynedd i’r diwydiant bancio a chyllid, gan gamu ymlaen i fod yn Arweinydd Tîm, Rheolwr Rheng Flaen, Pennaeth Adran a Rheolwr Prosiect. Cefais radd ôl-raddedig mewn Busnes wrth weithio yn y diwydiant.

Bues i’n gweithio i Chwarae Teg ar brosiect Cenedl Hyblyg tan 2014, a dychwelais i weithio i’r tîm ILM ar gyfer Cenedl Hyblyg2 yn 2017. Dechreuais ar rôl Partner Datblygu Dysgu yn ddiweddar, yn cyflwyno ein modiwlau dysgu ILM achrededig ac anachrededig.

Rydw i wedi bod yn addysgwr-gyrfaoedd, yn hyfforddwr ac yn gymhellwr ers bron i 20 mlynedd. Mae gweithio ym meysydd addysg uwch, busnesau bach a’r trydydd sector yn golygu fy mod i’n gallu cyflwyno fy mhrofiadau bywyd a gwaith i Chwarae Teg.

Yn enwog am fy natur siriol, a’r gallu i ddod â hyfforddiant yn fyw (mae sawl un wedi dweud wrthyf bod gen i’r potensial i droi pynciau diflas yn hwyliog a diddorol), rwy’n cyflwyno hyfforddiant ILM achrededig, yn asesu adolygiadau myfyriol ac yn cyflwyno ein modiwlau dysgu anachrededig. Hefyd, rwy’n treulio amser yn llunio cynnwys diddorol a chyfoes, gan sicrhau bod ein dysgwyr yn cael y profiad dysgu gorau posib. Rwyf wrth fy modd yn gweld effaith gadarnhaol ein hyfforddiant ar y menywod sy’n cael cymorth gennym.

Rwyf wrth fy modd wrth weithio gyda menywod a'u grymuso i gymryd perchenogaeth o'u gyrfaoedd. Ers dros 20 mlynedd, rwyf wedi gweithio ar draws pob sector mewn swyddi gwerthiannau a hyfforddiant, ac rwyf wedi hyfforddi a mentora cannoedd o fenywod. Rwy'n angerddol dros degwch ac ysbrydoli'r genhedlaeth nesaf. Fy nghenhadaeth erioed yw cefnogi menywod i ddod o hyd i'w pwrpas a theimlo'n fodlon gyda'r penderfyniadau a wnânt. Dywedir wrthyf fy mod yn hyfforddwr cynhwysol a dylanwadol sy'n un dda am ddysgu a herio ffyrdd o feddwl a phersbectifau. Mae gennyf wobr Pride of Britain am godi arian i elusennau ac am ymroi i wneud fy mywyd yn un gwerthfawr gan annog ein cyfranogwyr i wneud yr un peth.

Mae fy nghefndir a’m profiad wedi bod yn y sector addysg yn bennaf, ar ôl gweithio fel rheolwr cwricwlwm a darlithydd mewn coleg addysg bellach lle bues yn rheoli a darparu ystod o gyrsiau amrywiol ar gyfer dysgwyr sy'n oedolion.

Fel Partner Datblygu Dysgu, rwy’n cyflwyno’r rhaglen ILM achrededig a modiwlau dysgu ychwanegol ar hyd a lled y Gogledd.

Cwblheais y Rhaglen Cenedl Hyblyg tua 9 mlynedd yn ôl a gwnaeth proffesiynoldeb ac angerdd y sefydliad dros degwch a chydraddoldeb greu argraff arnaf. Mae gweledigaeth, cenhadaeth a gwerthoedd Chwarae Teg yn cyd-fynd yn berffaith â’m rhai i.

Rwy'n Rheolwr profiadol gydag 19 mlynedd o brofiad mewn Datblygu Gyrfa a Rheoli Prosiectau. Partner Datblygu Gyrfa yw fy rôl i yma yn Chwarae Teg o fewn Tîm y Menywod. Rwy'n meddu ar gymwysterau proffesiynol mewn Arweinyddiaeth a Rheolaeth, Rheoli Prosiectau a Newid a Chyngor ac Arweiniad.

Rwy'n teimlo'n hynod o freintiedig ac yn ffodus o allu cyflawni'r rôl hon, gan gwrdd â chymaint o fenywod cadarn ac angerddol tu hwnt sy'n fy ysbrydoli i gyflawni i’r eithaf bob dydd. Rwy’n cael fy ngwobrwyo drwy gefnogi menywod i feithrin y sgiliau a’r hyder i gyrraedd eu potensial ac i ddod yn Arweinwyr Cadarn yn y gweithle.

Ymunais â Chwarae Teg gyda chefndir eang ym myd cyllid a gweinyddiaeth, ar ôl gweithio ym myd masnach ac ar gyfer cwmni cyflenwi lleol. Fel cydlynydd prosiect, rwy’n helpu i ddarparu’r Rhaglen Menywod yn llwyddiannus, yn ogystal â chyflwyno adroddiadau, monitro’r rhaglen a’i gwella’n barhaus. Rwy’n falch o helpu i gyflwyno’r rhaglen trwy weinyddu a chydlynu gweithgareddau’n effeithiol ledled tîm y rhaglen menywod.

Fel Partner Datblygu Gyrfa ar Raglen Cenedl Hyblyg 2, mae'n bleser gen i gwrdd â nifer o fenywod rhyfeddol yng Nghymru ar gyfer eu cyfarfod cychwynnol. Rwy'n darparu hyfforddiant a chefnogaeth trwy gydol eu hamser gyda ni tra'u bod yn cwblhau'r rhaglen, ac rwy'n helpu i ddathlu eu llwyddiannau a gweld y newidiadau anhygoel y maen nhw'n eu cyflawni drostynt eu hunain.

Rwy’n gweld, drosof fy hun, sut mae’r rhaglen yn helpu menywod i wella eu sgiliau a’u hyder, sy’n eu galluogi i ddatblygu eu gyrfaoedd. Dyma’r swydd fwyaf gwerth chweil i mi ei chyflawni erioed, gan fy mod yn gwybod bod yr hyn rwy'n ei wneud yn cyfrannu rywfaint at wneud gwahaniaeth i'n cyfranogwyr.

Ymunais â Chwarae Teg yn 2017 gyda phrofiad helaeth mewn rheoli, addysg a chyngor ac arweiniad. Mae fy rôl fel Partner Datblygu Gyrfa o fewn rhaglen y menywod wedi fy ngalluogi i ddefnyddio fy mhrofiad, sgiliau a gwybodaeth i gynorthwyo menywod gyda'u dysgu ac ar eu taith gyrfa. Rwy’n angerddol am fy rôl ac rwy'n cael boddhad mawr o fod yn rhan o’r rhaglen datblygu gyrfa, gan weld drosof fy hun yr effaith bositif y mae’r rhaglen yn ei chael ar fenywod. O'r cyfarfod Dod i'ch Adnabod cychwynnol i'r adolygiad ar ôl cwblhau'r rhaglen, fy rôl i yw cefnogi menywod i weld beth yw eu sgiliau a'u cryfderau, i ddatblygu eu hyder a'u hannog i ddiffinio a chynllunio eu nodau gyrfa.

Fel mam brysur i ddau o blant, rwy'n gwerthfawrogi ei bod hi weithiau'n anodd i fenywod gael cyfle i ystyried eu taith gyrfa a chanolbwyntio ar ddatblygu eu gyrfa ac rwy'n falch o fod yn rhan o raglen sy'n hyrwyddo hyn yn weithredol ac sydd yn cael cymaint o effaith bositif ar fywydau menywod.

Mae gennyf dros 20 mlynedd o brofiad mewn hyfforddi a rheoli pobl, gyda chymwysterau mewn hyfforddi, arfer rhaglennu niwroieithyddol, rheoli newid, ymwybyddiaeth ofalgar a nifer o bynciau eraill sy'n gysylltiedig â datblygiad personol a llesiant. Rwyf hefyd yn swyddog cymorth cyntaf iechyd meddwl cymwysedig i oedolion. Cyn Chwarae Teg, bûm yn uwch-arweinydd am 17 mlynedd ar gyfer ‘pobl a dysgu’ ledled Cymru i elusen genedlaethol fawr. Yn y cyfnod rhwng y swydd honno a gweithio i Chwarae Teg, dechreuais nifer o fusnesau bach a'u rhedeg, sydd wedi rhoi gwybodaeth a phrofiad defnyddiol imi eu defnyddio.

Mae fy rôl fel Partner Datblygu Gyrfa yn cynnwys cynnal cyfarfod 'Dod i'ch Adnabod' dros ddwy awr gyda chyfranogwyr newydd, yn casglu gwybodaeth ganddynt a darparu gwybodaeth a chymorth datblygu gyrfa cyn dechrau ar eu cwrs Sefydliad Arweinyddiaeth a Rheolaeth (ILM). Rwy'n cyflwyno rhan o Ddiwrnod 1 y rhaglen chwe sesiwn a Diwrnod 6 i gyd, lle rydym yn canolbwyntio ar gynllunio gyrfa pellach, cyflogadwyedd a magu hyder er mwyn cyflawni eu nodau. Yn olaf, rwy'n cwblhau cyfarfod adolygu ar ôl cwblhau'r cwrs, yn trafod canlyniadau a helpu i gynllunio'r camau nesaf yn nhaith yrfaol y cyfranogwr ynghyd â darparu cymorth ad hoc gyda cheisiadau am swyddi, paratoi am gyfweliad ac ati yn ôl yr angen.

Rwy'n Hyfforddwr Gyrfa cymwys gyda dros 20 mlynedd o brofiad yn cefnogi unigolion i wneud penderfyniadau gwybodus am eu gyrfaoedd a'u helpu i wneud newidiadau cadarnhaol ar gyfer y dyfodol. Ymunais â Chwarae Teg yn 2018, ar ôl treulio 15 mlynedd fel Ymgynghorydd Gyrfaoedd ym Mhrifysgol Metropolitan Caerdydd. Yn fy rôl fel Partner Datblygu Gyrfa, rwy'n cydweithio â chydweithwyr ar draws Chwarae Teg i ddarparu a chefnogi menywod yn effeithiol o fewn ein rhaglenni a ariennir a'n rhaglenni masnachol. Rwy'n teimlo'n angerddol ynglŷn â helpu menywod i ffynnu yn eu gyrfaoedd, i ddatblygu eu hyder a'u hunanymwybyddiaeth a chyflawni’r cydbwysedd da rhwng bywyd a gwaith y maent yn ei haeddu.