Mae Alison yn weithiwr adnoddau dynol proffesiynol ac yn Gymrawd Siartredig o'r Sefydliad Siartredig Personél a Datblygu (CIPD) ac mae ganddi agwedd bragmataidd, rhagweithiol ac ymarferol ynghyd ag athroniaeth gallu gwneud. Mae ganddi brofiad sylweddol o weithio'n llwyddiannus gydag amrywiaeth o sefydliadau a phersonoliaethau, i gyflenwi gwerth a chyflawni nodau heriol.

Mae'n gyfathrebwr rhagorol, a chanddi wybodaeth helaeth am gyfraith cyflogaeth a chydraddoldeb ac amrywiaeth, ac fel Partner Cyflogwyr sy'n darparu ein Gwasanaethau Cyflogwyr Chwarae Teg, nid yw ofn herio'n adeiladol ac yn greadigol i helpu i lunio a datblygu sefydliad a chofleidio arfer gorau.

Mae Elizabeth yn weithiwr Adnoddau Dynol proffesiynol wedi’i chymhwyso gyda’r CIPD ac mae ganddi brofiad helaeth o'r diwydiant. Yn fwy diweddar, gan arbenigo mewn Dysgu a Datblygu, mae'n canolbwyntio ar atebion er mwyn sicrhau bod busnesau'n gallu gwerthfawrogi eu gweithlu a sicrhau canlyniadau gwirioneddol sy'n cael effaith gadarnhaol ar eu llinell waelod.

Gynt, roedd yn aelod o'n Tîm Hyfforddiant a Chymwysterau lle llwyddodd i greu a chyflwyno amrywiaeth o raglenni hyfforddi, fel:

• Hyfforddiant a Chymwysterau Arweinyddiaeth a Rheoli wedi’u hachredu gan ILM

• Hyfforddiant Rheoli Llinell, wedi’i gynllunio i gwmpasu Arferion Gweithio Cynhwysol

Mae ein Partneriaid Datblygu Adnoddau Dynol yn sicrhau bod ganddynt y wybodaeth ddiweddaraf am y syniadau mwyaf cyfoes sy'n gysylltiedig â maes arweinyddiaeth, adnoddau dynol, arferion gweithio cynhwysol a chyfraith cyflogaeth. Maent yn datblygu ac yn darparu cynhyrchion pwrpasol o ansawdd er mwyn rhannu gwybodaeth am ddulliau arfer gorau sy'n cyfrannu at ddatblygiad parhaus eich sefydliad.

Gan ddarparu gwasanaethau cymorth Adnoddau Dynol sy'n canolbwyntio ar gydraddoldeb, amrywiaeth a chynhwysiant, mae ganddynt yr ateb Cyflogwr Chwarae Teg wedi'i deilwra i chi a'ch sefydliad.

Daw Jessica i Chwarae Teg o gefndir codi arian a'r celfyddydau, gan ddod â’i phrofiad creadigol er mwyn adeiladu ar ddarparu gweithdai a chyflwyniadau.

Gan weithio gyda chyflogwyr Chwarae Teg, mae Jessica yn mwynhau gweld y gwahaniaethau mawr y mae sefydliadau ar draws pob sector yn eu gwneud i frwydro yn erbyn anghydraddoldeb yng Nghymru a thu hwnt. “Mae gweld y gwaith sy'n cael ei wneud gan y sefydliadau rwy'n gweithio gyda nhw a gwybod sut mae'n gwneud gwahaniaeth yn anhygoel, dyna pam rwy'n mynd i'r gwaith!”

Yn yr hirdymor, mae Jessica yn rhannu uchelgais pawb yn Chwarae Teg, sef sicrhau cydraddoldeb rhywiol yng Nghymru. Mae'n gweithio gyda changen fasnachol Chwarae Teg i sicrhau bod ein gwasanaethau ar gael i bawb a bod pawb yn gallu cael gafael ar gymorth, hyfforddiant a modd i ddatblygu fel sefydliad neu fel menyw sy'n symud ymlaen yn ei gyrfa ac yn yr economi.

Mae Caroline yn gyffredinolwr Adnoddau Dynol wedi’i chymhwyso gyda’r CIPD, ac mae ganddi flynyddoedd o arbenigedd yn gweithio ym maes cydraddoldeb a chynhwysiant gyda sefydliadau o bob maint ac ar draws pob sector. Gynt yn aelod o'n Tîm Cenedl Hyblyg, lle bu'n gweithio i gefnogi cyfranogwyr ein prosiectau i weithredu gweithdrefnau newid ac arferion gorau er budd y busnes a'u pobl, mae ganddi wybodaeth ymarferol eang am bob agwedd ar reoli busnes, yn ogystal â bod yn hyfforddwr gweithredol cymwysedig.

Mae ein Partneriaid Datblygu Adnoddau Dynol yn sicrhau bod ganddynt y wybodaeth ddiweddaraf am y syniadau mwyaf cyfoes sy'n gysylltiedig â maes arweinyddiaeth, adnoddau dynol, arferion gweithio cynhwysol a chyfraith cyflogaeth. Maent yn datblygu ac yn darparu cynhyrchion pwrpasol o ansawdd er mwyn rhannu gwybodaeth am ddulliau arfer gorau sy'n cyfrannu at ddatblygiad parhaus eich sefydliad.

Gan ddarparu gwasanaethau cymorth Adnoddau Dynol sy'n canolbwyntio ar gydraddoldeb, amrywiaeth a chynhwysiant, mae ganddynt yr ateb Cyflogwr Chwarae Teg wedi'i deilwra i chi a'ch sefydliad.

Stephanie has strategic oversight and operational leadership of Chwarae Teg’s commercial enterprise. Responsible for planning, developing and implementing income generation and surplus raising activities based on Chwarae Teg’s goals and objectives. Stephanie has a proven record of leading from the front, managing successful sales teams for global organisations, while juggling multiple responsibilities in high pressure, targeted environments. Stephanie is passionate about equality for all and driven by positive societal changes

Mae Liz yn gymrawd Cymdeithas y Cyfrifwyr Siartredig Ardystiedig. Mae ganddi dros 25 mlynedd o brofiad ar lefel cyfarwyddwr, gyda phrofiad o weithio yn y sector preifat gyda chwmnïau marchnata, TG a chyhoeddi. Mae Liz wedi gweithio yn y sector elusennol ers y 13 blynedd ddiwethaf.

Sgiliau allweddol Liz yw gwneud newidiadau strategol a gweithredol er mwyn gweithio’n glyfrach nid yn galetach! Mae ganddi’r gallu i ymdopi ag amgylcheddau a blaenoriaethau newidiol, ac yn bwysicach, gweithio a datblygu tîm amrywiol i gyflawni ein hamcanion. Mae ei phrofiad o weithio ar lefel strategol yn caniatáu i Liz helpu i lywio dyfodol Chwarae Teg.

Daeth Cerys i Chwarae Teg yn 2017, ar ôl treulio pymthneg mlynedd yn gweithio yn y sector addysg a sgiliau. Fel Prif Weithredwr, Cerys sy’n gyfrifol am osod cyfeiriad strategol Chwarae Teg ac estyn ein dyheadau wrth i ni ymroi i sicrhau bod Cymru’n arwain y gad ym maes cydraddoldeb rhywiol ledled y byd. Mae’n meithrin partneriaethau â busnesau a sefydliadau eraill er mwyn gwireddu ein huchelgeisiau a grymuso cydweithwyr i gyflawni eu rolau mor effeithiol â phosib, gan arwain trwy esiampl a dangos beth allwn ni ei wneud trwy gydweithio.

Mae Alison Thorne yn gyfarwyddwr anweithredol, yn ymddiriedolwr ac yn aelod pwyllgor, a hi hefyd yw sylfaenydd y cwmni datblygu busnes a phobl atconnect.

Alison yw arweinydd Cymru ar gyfer Women on Boards ar hyn o bryd, ac mae hefyd yn un o aelodau bwrdd Chwaraeon Cymru, lle y saif ar y Pwyllgor Cyllid ac Archwilio. Yn flaenorol, bu'n gyfarwyddwr anweithredol ar gyfer ymgynghoriaeth manwerthu ac mae'n ymddiriedolwr gyda'r Tropical Forest Trust (rheoli coedwigoedd yn gynaliadwy).

Mae ganddi yrfa gorfforaethol ym maes manwerthu, gan gael swyddi ar fyrddau gweithredol Mothercare, George at Asda ac Otto UK a swyddi arwain yn Kingfisher a Storehouse, gan arbenigo mewn prynu, marsiandïo a chyrchu.

Mae Alison wedi bod yn ymddiriedolwr gyda Chwarae Teg ers mis Mawrth 2016 ac wedi eistedd ar y Pwyllgor Cyllid a Risg a'r Grŵp Arloesedd Masnachol. Cafodd ei phenodi'n gadeirydd ym mis Gorffennaf 2019.

Ar ôl graddio mewn Saesneg o Goleg Sant Ioan, Rhydychen, gweithiodd Christopher fel rheolwr prosiect yn gyfrifol am farchnata, cynhyrchu a dosbarthu amrywiaeth o adnoddau print ac adnoddau ar gyfer y we i ysgolion ar ran cleientiaid y sector cyhoeddus, y sector preifat a’r trydydd sector. Yna, ymunodd Christopher â Llywodraeth Cymru ar Lwybr Carlam y Gwasanaeth Sifil a threuliodd wyth mlynedd yn gweithio'n bennaf ar bolisi economaidd ac adfywiad a hefyd fel Uwch Ysgrifennydd Preifat i'r Dirprwy Brif Weinidog. Ar ôl pum mlynedd yng Nghomisiwn Cynulliad Cenedlaethol Cymru fel Pennaeth Gwasanaeth y Pwyllgorau Polisi a Deddfwriaeth, Dychwelodd Christopher i Lywodraeth Cymru fel Dirprwy Gyfarwyddwr - Cyfansoddiad a Chyfiawnder.

Mae gan Christopher ddwy ferch ifanc ac mae’n benderfynol o adeiladu Cymru decach lle gallant gyflawni a ffynnu. Daeth Christopher yn aelod o’r bwrdd ym mis Mawrth 2016.

Mae Expectation State yn gweithio er mwyn cynyddu maint ac ansawdd buddsoddiadau’r sector preifat mewn gwledydd sy’n dioddef gwrthdaro. Roedd gan Robert rolau arweiniol uwch mewn cwmni buddsoddi preifat blaenllaw. Mae ganddo arbenigedd sylweddol mewn gwneud penderfyniadau ar fuddsoddiadau a chyd-drafod trefniadau masnachol, gan fod yn gyfrifol yn bersonol am gaffael a rheoli gwerth $8 biliwn a mwy o fuddsoddiad cyfalaf yn y DU, y Dwyrain Canol ac Affrica, ac mae wedi bod yn aelod gyda hawl i bleidleisio ar nifer o bwyllgorau buddsoddi.

Mae Robert yn un o Ymddiriedolwyr Tŷ Hafan, elusen gofal lliniarol pediatrig a Chymraeg yw ei famiaith.

Daeth Robert yn aelod Cyfetholedig o’r bwrdd ym mis Mehefin 2018.