Mae gan Chwarae Teg weledigaeth ar gyfer Cymru decach lle mae menywod yn cyflawni ac yn ffynnu. Nid yw’r weledigaeth hon yn gyflawnadwy oni bai y gall pob menyw ffynnu, ac mae tlodi yn rhwystr sylweddol rhag gwireddu hyn.

Mae cyfraddau tlodi yng Nghymru wedi aros yn yr unfan ar y cyfan dros y degawd diwethaf, ar oddeutu 24%. Fel rhywbeth sydd wedi dod yn gymaint o nodwedd barhaol yn ein cymdeithas, mae’n bosib nad ydym yn effro i ba mor annerbyniol yw’r sefyllfa hon.

Gwnaethom gomisiynu’r ymchwil hon gan gydnabod bod risg, profiad ac effaith tlodi yn wahanol i fenywod nag y mae i ddynion. O ganlyniad, bydd ymyriadau polisi ond yn effeithiol os cânt eu dylunio gyda’r gwahaniaethau hyn mewn golwg.