Chwilfrydig ynglŷn â’r syniad o fod yn fòs arnoch chi eich hun? I droi’r sgiliau sydd gennych yn barod yn waith sy’n cyd-fynd â’ch bywyd neu’ch cyfrifoldebau gofalu? Bydd y gyfres hon o weminarau yn eich helpu i ddarganfod sut beth yw rhedeg eich busnes eich hun go iawn, i feddwl am syniadau, rhoi hwb i’ch hyder y GALLWCH chi wneud hyn, a sicrhau bod yr arian a’r camau ymarferol yn eu lle er mwyn i chi allu bwrw ‘mlaen â’r gwaith.

Sesiwn 1: Allwn i fod yn fenyw fusnes? Wedi’i hwyluso gan Sarah Rees, Ymgynghorydd.

Mae’r sesiwn hon yn ymchwilio byd busnes h.y. ‘entrepreneuriaeth’. (Diffiniad: rhywun sy’n sefydlu busnes gan obeithio gwneud elw.). Ydych chi’r math o berson a allai weithio i chi’ch hun? Byddwch yn trafod y manteision a’r anfanteision, y cymhellion sydd wedi’ch ysbrydoli i ddysgu mwy, a sut y gallai eich profiadau drosglwyddo i fod yn fòs arnoch chi eich hun. Bydd y sesiwn ymarferol hon yn eich tywys drwy fapio eich sgiliau, darganfod eich cymhellion a chynyddu eich hyder i gymryd y cam, yn ogystal â chlywed gan fenywod sydd wedi gwneud hynny.

Ychydig o wybodaeth am Sarah Rees

Ar ôl cael ei diswyddo, sefydlodd Sarah ei busnes ei hun, Career Women Wales, a gefnogodd gannoedd o fenywod ledled Cymru i ddod o hyd i waith a gwireddu eu nodau gyrfa.

Nawr yn gweithio ar brosiectau amrywiol fel ymgynghorydd, mae Sarah hefyd yn ymgyrchu ar wahanol faterion ffeministaidd, y bennaf y rhai hynny sy’n seiliedig ar y gosb am fod yn fam, ochr yn ochr â’r swydd lawn amser o fod yn fam i ddau o blant ifanc.

Ar sail wirfoddol, mae Sarah’n rheolwr Ymgyrchoedd Pregnant Then Screwed, gyda’i hawydd ysol i gefnogi a chodi lleisiau menywod beichiog a mamau, ac yn gefnogwr a ffrind i’r Women Seeking Sanctuary Advocacy Group yng Nghaerdydd.

Os ydych am gael Sarah ar ei bocs sebon, gofynnwch iddi am y cynllun gofal plant 30 awr, sut beth yw flex appeal go iawn, neu pam bod angen i ni sefyll o’r neilltu i wneud lle i fenywod BAME mewn gwleidyddiaeth.