Chwilfrydig ynglŷn â’r syniad o fod yn fòs arnoch chi eich hun? I droi’r sgiliau sydd gennych yn barod yn waith sy’n cyd-fynd â’ch bywyd neu’ch cyfrifoldebau gofalu? Bydd y gyfres hon o weminarau yn eich helpu i ddarganfod sut beth yw rhedeg eich busnes eich hun go iawn, i feddwl am syniadau, rhoi hwb i’ch hyder y GALLWCH chi wneud hyn, a sicrhau bod yr arian a’r camau ymarferol yn eu lle er mwyn i chi allu bwrw ‘mlaen â’r gwaith.

Sesiwn 3: Ariannu eich busnes. Wedi’i hwyluso gan Carla Reynolds, Cynghorydd Busnes Craidd Busnes Cymru

Yn ystod y sesiwn hon byddwch yn darganfod yr ystod eang o gymorth a chyngor ymarferol sydd ar gael gan Busnes Cymru ar gyfer rhoi eich syniad busnes ar waith. Gan ddarparu’r cysur a’r ddealltwriaeth i chi, er efallai mai cyllid yw eich ofn a’ch rhwystr mwyaf wrth ystyried entrepreneuriaeth, fod cymorth arbenigol a mynediad at gyllid ar gael i chi.

Bydd y sesiwn hon yn ymdrin â:

• Yr adnoddau cymorth sydd ar gael a chostau cychwyn busnes
• Trosolwg o opsiynau cyllid cychwyn busnes
• Beth i’w wneud ar ôl i chi sicrhau eich cyllid
• Adnoddau Busnes Cymru
• Cyfleoedd i gydweithio
• Y camau nesaf
• Sesiwn Holi ac Ateb

Ychydig o wybodaeth am Carla Reynolds

Fel rhan o dîm cynghori Busnes Cymru, mae Carla’n cefnogi darpar entrepreneuriaid sy’n cymryd y camau cyntaf i fyd hunangyflogaeth a rhedeg busnes. Yn ogystal, mae’n cefnogi busnesau sy’n bodoli eisoes, gan ddarparu gwybodaeth, cyngor ac arweiniad er mwyn helpu busnesau i dyfu ac ehangu. Mae Carla wedi bod yn rhan o gymuned cymorth busnes De Cymru ers dros 15 mlynedd.

Mae Busnes Cymru, a ariennir gan gronfa Datblygu Rhanbarthol Ewrop drwy Lywodraeth Cymru, yn wasanaeth rhad ac am ddim sy’n rhoi cymorth a chyngor diduedd ac annibynnol i bobl sy’n dechrau, yn rhedeg ac yn tyfu busnesau yng Nghymru.