Chwilfrydig ynglŷn â’r syniad o fod yn fòs arnoch chi eich hun? I droi’r sgiliau sydd gennych yn barod yn waith sy’n cyd-fynd â’ch bywyd neu’ch cyfrifoldebau gofalu? Bydd y gyfres hon o weminarau yn eich helpu i ddarganfod sut beth yw rhedeg eich busnes eich hun go iawn, i feddwl am syniadau, rhoi hwb i’ch hyder y GALLWCH chi wneud hyn, a sicrhau bod yr arian a’r camau ymarferol yn eu lle er mwyn i chi allu bwrw ‘mlaen â’r gwaith.

Sesiwn 2: Oes gen i syniad? Wedi’i hwyluso gan Sarah Rees, Ymgynghorydd

Bydd y sesiwn hon yn eich galluogi i redeg drwy’r posibiliadau a’ch galluogi i droi hedyn o syniad yn gynllun gweithredu. Byddwn yn cyffwrdd â’r meysydd sydd angen i chi eu cynnwys mewn cynllun busnes, sut i droi’r hyn rydych chi’n ei fwynhau yn ffordd o ennill arian, a chael eich elevator pitch, neu’ch crynodeb byr, bachog eich hun, yn barod i fynd. Erbyn diwedd y gweithdy bydd gennych yr offer sydd eu hangen arnoch a byddwch yn gallu gosod nodau CAMPUS ar gyfer eu cyflawni.

Ychydig o wybodaeth am Sarah Rees

Ar ôl cael ei diswyddo, sefydlodd Sarah ei busnes ei hun, Career Women Wales, a gefnogodd gannoedd o fenywod ledled Cymru i ddod o hyd i waith a gwireddu eu nodau gyrfa.

Nawr yn gweithio ar brosiectau amrywiol fel ymgynghorydd, mae Sarah hefyd yn ymgyrchu ar wahanol faterion ffeministaidd, y bennaf y rhai hynny sy’n seiliedig ar y gosb am fod yn fam, ochr yn ochr â’r swydd lawn amser o fod yn fam i ddau o blant ifanc.

Ar sail wirfoddol, mae Sarah’n rheolwr Ymgyrchoedd Pregnant Then Screwed, gyda’i hawydd ysol i gefnogi a chodi lleisiau menywod beichiog a mamau, ac yn gefnogwr a ffrind i’r Women Seeking Sanctuary Advocacy Group yng Nghaerdydd.

Os ydych am gael Sarah ar ei bocs sebon, gofynnwch iddi am y cynllun gofal plant 30 awr, sut beth yw flex appeal go iawn, neu pam bod angen i ni sefyll o’r neilltu i wneud lle i fenywod BAME mewn gwleidyddiaeth.