Arddangos gyrfaoedd yn Beirianneg a’r Economi Werdd i ferched ym Mhenygroes

6th March 2023

Nid Jyst i Fechgyn y mae gyrfaoedd mewn peirianneg a’r economi werdd oedd y neges mewn digwyddiad gyrfaoedd amgen i ferched ym Mhenygroes.

Wnaeth elusen flaenllaw cydraddoldeb rhywedd Cymru, Chwarae Teg cyflwyno ddigwyddiad diweddaraf Nid Jyst i Fechgyn mewn partneriaeth gydag Adra ar y 6ed o Fawrth.

Mae’r rhaglen, Nid Jyst i Fechgyn yn rhoi cyfle i ferched ym mlynyddoedd 8 a 9 o ysgolion lleol i ddarganfod opsiynau gyrfa wahanol cyn iddyn nhw ddewis ei opsiynau TGAU. Wnaeth 65 disgyblion o Ysgol Dyffryn Nantlle mynychu’r digwyddiad a oedd yn canolbwyntio’n arbennig ar yrfaoedd yn y sector peirianneg a’r economi werdd.

Mae Adra, pwy gynhaliodd y digwyddiad yn darparu cartrefi o safon yng ngogledd Cymru. Maent yn gofalu am 6,800 o gartrefi ac yn darparu gwasanaethau i dros 15,000 o gwsmeriaid lleol. Mae Adra ymhlith y cymdeithasau tai cyntaf yng Nghymru i ddangos eu hymrwymiad i ymgyrch Llywodraeth Cymru i ddatgarboneiddio cartrefi erbyn 2030.

Roedd Adra, Weber, Marley, Dŵr Cymru, Grŵp Llandrillo Menai, CIST and Altro Flooring ymhlith yr arddangoswyr a oedd yn bresennol ar y diwrnod.

Cymerodd y disgyblion ran mewn gweithgareddau wrth ddysgu am baneli solar gyda Marley, gosodiadau wal allanol gyda Weber, deunydd lloriau a dylunio gyda Altro Flooring, pympiau gwres a solar PV gyda Grwp Llandrillo Menai a CIST, a gweithgareddau rhwydweithio gyda Dŵr Cymru.

Cafodd y mynychwyr gyfle hefyd i fynd i hyb datgarboneiddio newydd Adra a siarad gyda modelau rôl fenywaidd o Adra.

Mae adroddiad “Profiadau Merched Ifanc o Gyngor ac Arweiniad Gyrfaoedd yng Nghymru”, a gyhoeddwyd mis diwethaf gan Chwarae Teg, yn astudio’r darlun cyfredol o wasanaethau cyngor gyrfaoedd i fenywod ifanc yng Nghymru.

Mae’n dangos bod gormod o ddewisiadau gyrfa yn dal i gael eu dylanwadu gan stereoteipiau rhywedd hir sefydlog - yn arwain i arwahanu rhywedd yn y gweithle a’r bwlch cyflog ar sail rhywedd parhaus sydd yng Nghymru.

Mae menywod dal i ffafrio swyddi sydd yn draddodiadol i fenywod, er bod angen am fwy o fenywod mewn sectorau fel gwyddoniaeth, technoleg, peirianneg a mathemateg sy’n gallu cynnig cyflogau uwch.

Mae Chwarae Teg eisiau rhoi cyfle i ferched archwilio gyrfaoedd na fyddent efallai'n eu hystyried fel arfer, ac rydym yn falch iawn o fod yn gweithio gyda chyflogwr gwych, Cymreig fel Adra, i ledaenu'r neges hon. Mae Nid Jyst i Fechgyn yn rhoi cyfle i ferched gwrdd â gweithwyr proffesiynol yn y diwydiant a chael blas ar sut brofiad fyddai gweithio yn y diwydiant.

Mae arolygon presennol yn dangos mai dim ond 11% o weithlu peirianneg y DU sydd yn fenywod, a bod gan y DU'r ganran isaf o weithwyr proffesiynol ym maes peirianneg fenywaidd yn Ewrop. Bydd y digwyddiad hwn efo Adra, cyflogwr lleol pwysig, yn dangos i ferched y gallant hwythau hefyd anelu at yrfa mewn sectorau anhraddodiadol.
Emily Loosmore
Partner Cydweithio, Chwarae Teg

Fel un o gyflogwyr mwyaf yr ardal, mae gennym ni yn Adra gyfrifoldeb i ysbrydoli'r bobl ifanc sy'n byw yn ein cymunedau, a dangos iddynt fod
gyrfaoedd o fewn y sector adeiladu, peirianneg ac economi werdd ymhell o fewn eu gafael.

Rydyn ni'n awyddus i gynyddu amrywiaeth ein gweithlu, ac rydyn ni'n annog pobl o grwpiau heb gynrychiolaeth ddigonol i geisio am swyddi gyda ni yn y sectorau y sonnir amdanynt uchod. Dyma pam rydym wrth ein boddau o fod yn cydweithio gyda Chwarae Teg ar eu hymgyrch Not Just for Boys ac rydym yn edrych ymlaen at barhau i weithio gyda nhw yn y dyfodol.
Ceri Ellis-Jackson
Cydlynydd Gwerth Cymdeithasol, Adra