Mae Womenspire yn seremoni wobrwyo unigryw, ac rydym ni’n falch iawn bod Trafnidiaeth Cymru wedi ymuno â ni fel prif noddwr. Mae hyn yn dangos bod Trafnidiaeth Cymru yn frwd dros helpu menywod i gyflawni a ffynnu, a diolch i'w cefnogaeth, yn Womenspire 2021 gallwn wneud hyd yn oed mwy i arddangos y menywod anhygoel sydd wedi cyrraedd y rhestr fer.

“Gyda’n gilydd gallwn hefyd dynnu sylw at y sefydliadau sy’n gweithio tuag at wneud cydraddoldeb rhywedd yn realiti yng Nghymru a rhannu eu straeon gyda rhai o’r menywod mwyaf ymrwymedig a rhagweithiol yng Nghymru a’u cyflogwyr.

Mae gwobrau Womenspire yn gyfle gwych i gydnabod llwyddiannau a chyfraniadau menywod.

“Rydym ni’n falch o gefnogi’r gwobrau ac amlygu gwaith Chwarae Teg, a’r hyn y mae sefydliadau eraill ledled Cymru yn ei wneud i greu amgylchedd i bawb lwyddo ynddo. Mae cefnogi'r gwobrau yn dangos ein hymrwymiad i greu'r amgylchedd hwnnw yn Trafnidiaeth Cymru ac mae'n helpu i ysbrydoli ac annog ein pobl ni ein hunain.

“Rydym ni'n gwerthfawrogi amrywiaeth - mae'n ein gwneud ni'n gryfach, yn ein helpu i ddeall ein cwsmeriaid yn well, gwneud penderfyniadau gwell a bod yn fwy arloesol. Mae pawb yn wahanol ac mae ganddyn nhw eu persbectif eu hunain felly rydym ni'n adeiladu tîm amrywiol sy'n adlewyrchu'r cymunedau rydym ni'n eu gwasanaethu. Trwy hyn rydym ni’n benderfynol o fod yn un o brif gyflogwyr cynhwysol Cymru.

“Mae sicrhau cydraddoldeb rhywedd ar draws ein sefydliad yn agwedd bwysig wrth greu amgylchedd gwaith positif i bawb, yn ogystal ag arwain at well darpariaeth i’n cwsmeriaid.